魚屋

营业中

休息中

原本谂住去荃湾广场间一田嘅天仁茗茶买杯野饮，再去众安街觅食。点知无啦啦瘾起想食日本野，咁就比天仁茗茶旁边间鱼屋吸引咗。😯盐烧鲭鱼定食（$58）- 烧鱼、柠檬、少少类似泡菜嘅配菜，同埋一碗面头洒咗啲黑芝麻嘅白饭。味道就普普通通，无咩盐烧味，亦都唔系烧到表皮香脆。加上鱼都唔算太大旧，唔够送饭，搞到食到最后变咗斋食白饭。😥面豉汤- 跟餐送嘅面豉汤都几大碗，汤料十足，有大大旧三文鱼肉。不过失望嘅系有阵腥味，同埋有唔少鱼骨，同行友人都比鱼骨吉亲😥，所以大家都系小心为妙😅。三文鱼海胆丼 （$108）- 三文鱼生五片，海胆份量都占成四分一个碗。海胆唔腥，十分creamy，更加唔会溶到一pat pat，十分鲜甜。三文鱼生都不过不失。成个丼以咁嘅价钱黎讲，份量都算抵！👍🏻整体黎讲鱼生丼比起烧鱼定食更为优胜，只系美中不足嘅系个面豉汤同埋个环境。因为当你食紧野嘅时候，都不断Feel 到背后有人等位，望实你嘅压力，其实都真系唔系咁自在😅。