影片
更多
2022-03-31
888 浏览
呢间小店开咗咁耐我今日先行入去，原来系好嘢嚟失敬失敬！今日闲日又系疫情所以加埋我先得两个客，铺仔细细但感觉干净企理，点咗碗云吞面加热奶茶（$34），碗面端上面前比人观感唔错，面立立令未食就觉得佢爽口，有少许韭黄而唔系葱已经要加分，云吞放喺底亦应该系咁，有传统专业feel; 外观唯一美中不足系佢加咗一条唐生菜，其实加一菜尤其系生菜，菜嘅青味会影响汤嘅味道，闻上去都有影响，不放也罢。饮啖汤先，有微微大地鱼味但唔够浓，有冇放虾壳煲呢小弟就食唔出，见佢舖外有人喺度烧大地鱼但可惜佢可能佢熬汤唔够时间，论汤底佢系不及麦子辈嘅老字号但果啲成五十蚊碗㖞！到面啦，爽，弹牙唔立口，隐约有啲猪油味，正。到云吞，呢个系重点，扎实饱满，虾爽，鲜，猪肉香，唔会太重调味，size 啱啱好，咬落去唔会散晒跌啲馅出嚟，（坊间太多果啲懒大粒，落重麻油嚟遮雪味，仲一咬就散嘅云吞），皮薄，如果拖埋条金鱼尾就更优美啦，云吞底部唔会叠埋一层厚实嘅皮，LIKE! 单论云吞佢已经好高分。成件事呢碗云吞面系值得再返单。下次会外卖返屋企打边炉。期待试埋佢嘅水饺。
今日闲日又系疫情所以加埋我先得两个客，铺仔细细但感觉干净企理，点咗碗云吞面加热奶茶（$34），碗面端上面前比人观感唔错，面立立令未食就觉得佢爽口，有少许韭黄而唔系葱已经要加分，云吞放喺底亦应该系咁，有传统专业feel; 外观唯一美中不足系佢加咗一条唐生菜，其实加一菜尤其系生菜，菜嘅青味会影响汤嘅味道，闻上去都有影响，不放也罢。
饮啖汤先，有微微大地鱼味但唔够浓，有冇放虾壳煲呢小弟就食唔出，见佢舖外有人喺度烧大地鱼但可惜佢可能佢熬汤唔够时间，论汤底佢系不及麦子辈嘅老字号但果啲成五十蚊碗㖞！
到面啦，爽，弹牙唔立口，隐约有啲猪油味，正。
到云吞，呢个系重点，扎实饱满，虾爽，鲜，猪肉香，唔会太重调味，size 啱啱好，
咬落去唔会散晒跌啲馅出嚟，（坊间太多果啲懒大粒，落重麻油嚟遮雪味，仲一咬就散嘅云吞），皮薄，如果拖埋条金鱼尾就更优美啦，云吞底部唔会叠埋一层厚实嘅皮，LIKE! 单论云吞佢已经好高分。
成件事呢碗云吞面系值得再返单。下次会外卖返屋企打边炉。期待试埋佢嘅水饺。
张贴