Asobu Bistro (已結業)

听朋友讲呢个熔岩蛋好耐，终于有时间去试试。餐厅比较细，10几个位同埋都坐得几密。为左食野，唔理咁多。基本上眼见人人都点熔岩蛋，我估大家都冲著呢个而黎。我拣左个蛋系配咖哩饭，记得好似仲有得拣配蕃茄汁，又或者可以配面。我要既系日式豚肉熔岩蛋，个蛋单睇卖相已经好吸引。餐厅贴左张熔岩蛋三部曲，好清晰教你点食，我当然好乖跟实。先系蛋系中间介一刀，再左右反开，俾啲蛋好似熔岩咁流出黎，好想赞个蛋，真系整得好滑好好味道，食既时候完全冇觉得太生既感觉。配既系日式咖哩汁，浓浓咖哩味好香，甜而不辣。豚肉煮得够林够入味。蛋好似好容易煮，但我一路食一路同朋友研究点先可以整到咁好味道，最后既结论系，想食不如再黎食啦，哈哈。另外我叫左个日式炒杂菜，有茄子、莲藕、青红椒、西兰花等，不过份量多啲就好。