影片
更多
2024-11-17
148 浏览
朋友话食过好食，专登过嚟试，点知系出乎意外地 ——— 差！一入舖头，就见到厨房隔离张枱有一群男女喺度饮酒食烟同超超超超超超超大声讲嘢。当堂打咗个突，但系始终系街坊宵夜店，咁嘅环境都唔系出奇，算！完全冇招呼下自己揾位坐低，张枱黐立立到好似搽咗白胶浆咁，但系串烧店始终油烟大，算！跟住嘢食嚟真系算唔倒！点咗朋友推介炒肠粉同炸大肠 - 炒肠粉油到阿妈都唔认得，炸大肠干到似薯片。其他所有串烧食唔到食物嘅原味，只有重重嘅调味粉味。最恐怖系烧秋刀鱼，外皮熏黑，有苦味，要撇开啲皮先勉强食到少少肉。两个人食埋单接近$400，都唔知食咗啲乜嘢。进食期间𠮶台男女（期间知道原来系老板招呼紧朋友）继续高声谈话饮酒食烟，我哋根本倾唔到偈。问返介绍我哋嚟嘅朋友，佢上次食应该系老板自己煮，质素好啲，但今日老板已饮到咁高兴，就唔知道系边个煮了。其实如果老板主要都系想招呼朋友一齐饮酒食烟，冇谂住招呼客人，亦冇谂住煮啲唔难食嘅嘢俾人食，咁不如唔好打开门口做生意，唔好连累啲肚饿真系想食嘢嘅人。*食到好嬲，冇心机影相
一入舖头，就见到厨房隔离张枱有一群男女喺度饮酒食烟同超超超超超超超大声讲嘢。当堂打咗个突，但系始终系街坊宵夜店，咁嘅环境都唔系出奇，算！
完全冇招呼下自己揾位坐低，张枱黐立立到好似搽咗白胶浆咁，但系串烧店始终油烟大，算！
跟住嘢食嚟真系算唔倒！点咗朋友推介炒肠粉同炸大肠 - 炒肠粉油到阿妈都唔认得，炸大肠干到似薯片。其他所有串烧食唔到食物嘅原味，只有重重嘅调味粉味。最恐怖系烧秋刀鱼，外皮熏黑，有苦味，要撇开啲皮先勉强食到少少肉。
两个人食埋单接近$400，都唔知食咗啲乜嘢。进食期间𠮶台男女（期间知道原来系老板招呼紧朋友）继续高声谈话饮酒食烟，我哋根本倾唔到偈。
问返介绍我哋嚟嘅朋友，佢上次食应该系老板自己煮，质素好啲，但今日老板已饮到咁高兴，就唔知道系边个煮了。
其实如果老板主要都系想招呼朋友一齐饮酒食烟，冇谂住招呼客人，亦冇谂住煮啲唔难食嘅嘢俾人食，咁不如唔好打开门口做生意，唔好连累啲肚饿真系想食嘢嘅人。
*食到好嬲，冇心机影相
我以为系油浸肠粉
29 浏览
0 赞好
0 留言
张贴
