81番 (已結業)

到咗晚餐时间都唔知食咩，去到朗豪坊见到依间无乜人，就同友人坐低咗。睇下menu有日文，原来系日本餐。带有少少期待order咗脆辣炸鸡咖哩饭，猪软骨乌冬，同明太子意粉。加钱要咗几杯特色饮品，伏就是这样开始。饮品大半杯都系冰，我𠮶杯士多啤梨奶昔尚算正常，友人𠮶杯个味直程可以用奇特黎形容，够晒特色。由于佢无水提供，咩味都好啦我都好快饮晒。然后侍应端上了猪软骨乌冬餐。个面豉汤少到我以为系人地饮剩，忍唔住问个侍应系咪拎过黎时倒泻咗，佢尴尴尬尬咁拎返个汤入去，但又拎返同一碗汤出黎，话我知: 厨师话每碗汤都系得一舀架咋。我呆咗，其实佢可以买个大d既舀，或者换个细d既碗，咁件事会无咁核突。随餐仲有一旧腐皮寿司，冻冰冰好难食。食到依度咩期待都无晒啦，但惊吓陆续有黎。炸鸡饭旧鸡介乎喺㶶同未㶶中间，咖哩系无咖哩味，加埋一pat疑似配菜真系同颓饭无分别。不过系贵价颓饭。戏肉黎喇，明太子意粉。又一pat类似厨余既物体。碎湿湿既意粉卷埋一堆，入面加咗d酸瓜同菇同明太子。可能因为个碟太大，佢地放埋个餐包同牛油喺同一个碟度，颓饭代表作。个包又系冻冰冰，扮餐包又嫌佢无甜味，扮猪仔包又嫌佢侮辱咗猪仔包。一句到尾，性价比低