Portobello (已結業)

偷得浮生半日闲，是日正好是澳门公众假期，可以休休闲闲同阿K去食番个晏(应该系话brunch至啱)。我地今次嘅目的地系SOHO，去SOHO食晏其实唔系话好贵，一百蚊楼下都可以食到几丰富嘅午餐。是日阿K冇乜胃口，又想食三文治，所以拣咗呢间有三文治供应嘅餐厅。呢度嘅装修以书本为主，富有书卷气嘅味道，内里有数名外国人一路睇书一路叹咖啡，都几写意。阿K嗌咗一客芝士火煺牛角包，我就要咗一大件芝士烟肉panini，再加一杯蒸馏咖啡。好多时候阿K嘅选择会比我优胜，不过今次就例外，我嘅panini嚟嘅时候热辣辣，一入口里面嘅芝士软淋淋，面包好香好松化，令我一食就上瘾。当然，再加上火腿同埋烟肉嘅辅助之下，连阿K对我嘅panini都虎视眈眈，唔紧要啦，正所谓有福同享，我又点会忍心唔同阿K一齐分享面前嘅美食呢？还有一段小插曲，一众顾客(包括我地在内)享用美食或悠闲地睇书时，有两名操国语嘅中国人入内，佢地讲嘢时夹杂发音非常地道嘅英语，我想应该系学成归来嘅人才。可惜嘅系，纵然佢地有几叻都好，就系有一个坏习惯–大声说话，将原本宁静嘅气氛破坏晒。佢地嚟咗冇耐，部份顾客已经忍唔住结账走人，我地都唔例外。两份brunch