影片
更多
2016-04-07
292 浏览
之前这间店初在愉景新城开业时，它是在地下那层，还记得那时每逢午市晚市时段，都有很多人堵在门口等位，我都帮衬过几次，质素确系不俗。自从商场大装修后，知道它搬到了三楼，一直未有机会再试，今天刚巧在愉景揾食，记起呢间餐厅，便打算重温食好西，点知奶哂嘢，中伏！其实到门口时，时间是平日的午餐时段，应是各餐厅最忙的，但这里当时目测入座率不足四成，和之前门口总有几十人等位的情况相去甚远，其实咁嘅环境我应该临崖勒马，但正所谓是福不是祸，是祸躲不过，上天系要我遭此一劫，唔知点解我仲咁勇咁对门口的姐姐讲，一位，唉.....他们的午市套餐有两款玩法，一系一个点心加一个面，或者客饭，一个𩠌加一个饭，仲有个汤。今天我点了一个椒盐排骨客饭套餐配酸辣汤，而上天可能嫌我奶得未够应，我竟然追加多一客锅贴。先来的是酸辣汤，老老实实，好一般，佢完全忠于自己的名字，得酸味同辣味，即系煲滚啲水，劲落醋同辣油，加个生粉水整到杰挞挞，蒙起你对眼，其实个味道就同呢碗嘢一模一样。但人系应该知足，喺我一路食一路炳呢碗嘢的时候，我又点估到，呢碗嘢正正系我今日午餐中最好味嘅呢。我有啲后悔当时不懂感恩！罪过....跟住黎的椒盐排骨，我先拨开面
其实到门口时，时间是平日的午餐时段，应是各餐厅最忙的，但这里当时目测入座率不足四成，和之前门口总有几十人等位的情况相去甚远，其实咁嘅环境我应该临崖勒马，但正所谓是福不是祸，是祸躲不过，上天系要我遭此一劫，唔知点解我仲咁勇咁对门口的姐姐讲，一位，唉.....
他们的午市套餐有两款玩法，一系一个点心加一个面，或者客饭，一个𩠌加一个饭，仲有个汤。今天我点了一个椒盐排骨客饭套餐配酸辣汤，而上天可能嫌我奶得未够应，我竟然追加多一客锅贴。
先来的是酸辣汤，老老实实，好一般，佢完全忠于自己的名字，得酸味同辣味，即系煲滚啲水，劲落醋同辣油，加个生粉水整到杰挞挞，蒙起你对眼，其实个味道就同呢碗嘢一模一样。但人系应该知足，喺我一路食一路炳呢碗嘢的时候，我又点估到，呢碗嘢正正系我今日午餐中最好味嘅呢。我有啲后悔当时不懂感恩！罪过....
跟住黎的椒盐排骨，我先拨开面的炸蒜头，夹旧排骨食下，咦....冇味嘅，再食下啲炸蒜头，咦...几香㖞，其实呢碟嘢应该叫椒盐 • 排骨，分开的，层次感非常好，真系分得清清楚楚，点都好，钱就要比，点都要食饱，原来炸蒜头送白饭都几有风味架！而且要食饱有何难，我仲有四旧锅贴嘛，锅贴要整得难食都几有难度，但事实我真系太睇少呢度的厨房工作人员。
我真系唔知点形容呢四旧物体，首先，唔热，我又唔会话佢冻嘅，因为我都feel到仲有少少微温，其次，冇肉汁，系ddddddd都冇，放入口就系一堆粉同肉，好鬼简单直接，非常配合我个feel, 都系好简单直接咁觉得佢难食。
埋单百四蚊，仲有双倍印花，今餐咁就储到四个，但当你知道你不会再踏进这里时，又何必为你的银包增添多一张废纸呢？总括，它的水准正正反映在客人的数目上，这是顾客们对这间餐厅最直接的feedback, 残酷但真实，舖位搬高了两层，水准下跌了不止两个Level！
张贴
