肥後屋

营业中

休息中

今日嚟到铜锣湾天后中间的一间串烧舖头肥后屋， 首先嗌咗个前菜日本冻蕃茄， 蕃茄够甜，微酸， 系一个很好的开胃菜， 串烧方面， 叫咗黄芥末五花腩， 安格斯牛肉眼，牛舌， 堕落午餐肉， 盐烧鸡翼， 全部都系即刻烧，新鲜，老板话想睇一间串烧好唔好食就一定要试下个盐烧鸡翼就知道 ， 佢讲得非常冇错，个鸡翼非常出色， 皮脆肉嫩， 里面爆汁， 其他肉类串烧都回味无穷好正。 重点推介， 佢个海鲜贵妃蚌， 肉质爽口， 冇腥味， 再饮埋佢啖汤， 鲜甜可口， 真系要一试，冇得输 海鲜未必即日有， 有好多时海鲜都要预订， 请留意， 之后再推介系牛油香葱饭， 啲牛油溶咗落啲饭度再加埋香葱， 好味， 食到一半可以配埋堕落午餐肉一齐食口感更加好。 仲有一样都令到好惊喜， 佢个士多啤梨梳打， 我叫𠮶阵问佢会唔会有药水味， 佢话一定冇， 点知出嚟效果真系唔错， 反而有新鲜士多啤梨嘅味道， 所以如果系勇者都可以试一试，唔伏。 仲有一样都真心推介， 就系七里香， 开头我以为系鸡皮， 烧得好香 ，好滑。 点知唔记得咗原来自己系叫咗鸡屁股， 不过真心好食。 佢所有嘢都做得好好， 我畀五星星佢，