影片
更多
2024-08-06
1820 浏览
约咗啲旧同事出嚟聚一聚，因为人少少得几个咁就简简单单食吓点心倾吓偈，拣咗嚟旺角嘅「点点心」，主因都喺贪方便地点就脚，佢哋对食无太多要求。餐厅装修都算几骨子，细细格嘅花地砖几有以前怀旧茶居嘅感觉，墙上有啲彩绘加埋别致嘅天花灯，令人感觉几唔错，此外，最紧要都喺够干净企理。旺角即喺旺角，始终都游客多，所以，点心纸都中英对照，晌用餐期间，唔知点解特别多韩国客，前前后后几台都喺韩国人。点心纸有两版，第一版就落晒各类点心，后面𠮶版喺啲甜品及各款饮品，最钟意喺佢每款点心都写明个数量，人多嘅时候又好预数，仲有就喺好在唔收加一嘛！胎菊 $8、普洱 $8、冻奶茶 $22另一点要赞嘅就喺茶位呢个问题，你去酒楼还是点心专门店，都收硬你茶钱。不过呢度可以唔嗌茶，净饮清水，而就算茗茶方面都好特别，第一就喺用上独立茶包，同枱嘅人可以各自拣喜好嘅口味，仲有就喺标明嚟自「林奇苑茶行」，虽然我唔喺好识，但亦喺一种保证。试咗两啖胎菊，非常之清香，唔饮茶都唔紧要，好似小弟咁整返杯冻奶茶爽吓，不知几过瘾。潮州粉果 $28出菜都几快，好快就上咗笼粉果，一笼3只，啱啱好一人一只，啲粉果好大只，里面填满晒馅，用料十足，味道唔错，只喺
餐厅装修都算几骨子，细细格嘅花地砖几有以前怀旧茶居嘅感觉，墙上有啲彩绘加埋别致嘅天花灯，令人感觉几唔错，此外，最紧要都喺够干净企理。
旺角即喺旺角，始终都游客多，所以，点心纸都中英对照，晌用餐期间，唔知点解特别多韩国客，前前后后几台都喺韩国人。点心纸有两版，第一版就落晒各类点心，后面𠮶版喺啲甜品及各款饮品，最钟意喺佢每款点心都写明个数量，人多嘅时候又好预数，仲有就喺好在唔收加一嘛！
胎菊 $8、普洱 $8、冻奶茶 $22另一点要赞嘅就喺茶位呢个问题，你去酒楼还是点心专门店，都收硬你茶钱。不过呢度可以唔嗌茶，净饮清水，而就算茗茶方面都好特别，第一就喺用上独立茶包，同枱嘅人可以各自拣喜好嘅口味，仲有就喺标明嚟自「林奇苑茶行」，虽然我唔喺好识，但亦喺一种保证。试咗两啖胎菊，非常之清香，唔饮茶都唔紧要，好似小弟咁整返杯冻奶茶爽吓，不知几过瘾。
潮州粉果 $28出菜都几快，好快就上咗笼粉果，一笼3只，啱啱好一人一只，啲粉果好大只，里面填满晒馅，用料十足，味道唔错，只喺外皮有少少削，影响咗咗啲口感。
芋丝素春卷 $28春卷虽然喺点心中嘅例牌嘢，不过，呢一款春卷几特别，里面全喺芋头丝，啲芋头好香好粉，而炸得香脆不油腻，沾上少少喼汁，效果更好。
脆皮鲜虾肠 $40脆皮！究竟点脆皮法？我哋大家都好有兴趣试，睇样有少少似炸两，其实都差唔多，里面卷住喺炸过嘅鲜虾卷，可以讲喺炸两加鲜虾肠嘅混合版，食落口感几唔错，先软后脆，啲虾爽口又有鲜甜味，喺有啲惊喜。
凉拌木耳手丝鸡 $38天气热热哋，食啲凉拌冷盘感觉就几爽吓，呢一款木耳手撕鸡份量都算喺咁，木耳有益又爽脆，啲手撕鸡都好嫩滑，带有少少花椒嘅麻，微微辣，食落几醒神。
蟹籽蟹肉小笼包 $34小笼包虽然包得唔算话好工整，但喺食落个口感唔错，外皮够薄唔黏牙，里面嘅肉馅好松化，不过你话喺咪好多蟹肉，其实又啊算好食得出，但就好够汤汁，亦比一般小笼包大只。
瑶柱糯米鸡 $40都唔记得打开件糯米鸡时影多几张相，里面有好多料，绝对喺交足课，而且，钟意佢里面馅料唔会有太多芡汁，搞到好浆咁，味道好好，啲糯米入口好烟韧。
真系菠萝包 $25一客3个，啱啱好够我哋分，加上仲喺细细个，唔会食到太饱。里面喺吉士馅加咗啲菠萝粒，不过，啲菠萝喺罐头嘢。味道嚟讲OK㖞，几得意，只喺嫌佢嚟到只有微微软，面头层「菠萝皮」又唔脆，无期望新鲜出炉，但我觉得至少都要烘番够热。
远年陈皮豆沙寿包 $20虽然同枱无人生日，但都叫咗一客寿包做甜品，皆因「远年陈皮」四个字。先讲卖相，做得确喺好靓，包身软熟，里面嘅豆沙馅软滑清甜，𠮶一阵阵嘅陈皮香味确喺几突出，唔错唔错！
今餐食咗好多款点心，食到饱饱大家都好满足，整体嚟讲感觉质素唔错，又无特别讲明时限，等我哋可以叹住茶，倾耐啲。
张贴
