點點心 (已結業)

今日休假，朋友话我地几个朋友一齐食饭聚下旧，倾下计，为左就佢近，我地去左点点心专门店湾仔分店，湾仔分店第一次过嚟，无旺角果间咁多人，不过比较干净，比较适合几个朋友一齐食下饭，倾下计，服务态度都几好。鲜虾脆皮肠粉，呢度豉油同肠粉分开，随你自己加几多，呢个肠粉同其他唔同嘅系入边有脆皮，肠粉都整得算滑同薄，虾又新鲜，同脆皮一齐食，可能系第一次食，觉得口感几特别，都唔错、奶皇猪仔包，个样好得意，分量都算大，不过呢个要趁热嘅时候食最好，入边系奶皇馅，几香，唔算甜，还算可以。虾饺睇落去还算可以，入边有一只鲜虾 ，好新鲜，虾肉仲几弹牙，都算皮薄馅靓。蟹籽烧卖皇，虾籽都算多，烧卖味道几好，配合埋蟹籽的口感，我个人觉得几好食，其他点心都唔错，几个人一齐嚟就最好，可以试多D品种。