影片
更多
2014-08-06
4655 浏览
一早约好今晚打完league要一齐食饭, 队友间要好好联络感情! 打紧波个时已经谂紧食咩好, 最后其中一个提出不如食点心, 仲话个有个波萝包入面真系有波萝, 咁特别点可以唔食!!! 于是打完就系官涌行过去九龙个边喇, 咁岩差少少luck添, 745到但已经坐满左, 跟住店员话入黎坐收银旁边一张额外加出黎既折枱, 同成间餐厅木制既枱格格不入, 难得一齐食饭, 我地宁愿等多阵都要坐返木制既枱! 呢间得一张点心纸, 系出面等紧位个时已经拣好晒喇! 3个人好似叫得太多... 20分钟后终于可以坐低食喇!!! 第一碟到既就系皇牌波萝包! 新鲜出炉真系未食都嗅到香喷喷呀! 饿左咁耐当然即刻大啖咬落去啦! 面脆内软, 加上里面熬辣辣既波萝馅真系唔错!咬开左当然要揾下系咪真系有波萝啦?! 见到左边有旧吗? 真系估唔到点心地方有波萝包食, 仲要整得咁好食! 另一样整得同样出色既就系脆皮鲜虾肠, 除左有大大粒爽口既虾, 重点系皮同虾中间个层脆米! 为滑溜既虾肠增加一点脆口, 口感层次一流! 另一款招牌点心烧汁酿茄子, 卖相已经非常可爱, 企系度既茄子再加顶帽
于是打完就系官涌行过去九龙个边喇, 咁岩差少少luck添, 745到但已经坐满左, 跟住店员话入黎坐收银旁边一张额外加出黎既折枱, 同成间餐厅木制既枱格格不入, 难得一齐食饭, 我地宁愿等多阵都要坐返木制既枱!
呢间得一张点心纸, 系出面等紧位个时已经拣好晒喇! 3个人好似叫得太多... 20分钟后终于可以坐低食喇!!!
第一碟到既就系皇牌波萝包! 新鲜出炉真系未食都嗅到香喷喷呀! 饿左咁耐当然即刻大啖咬落去啦! 面脆内软, 加上里面熬辣辣既波萝馅真系唔错!
咬开左当然要揾下系咪真系有波萝啦?! 见到左边有旧吗? 真系估唔到点心地方有波萝包食, 仲要整得咁好食!
另一样整得同样出色既就系脆皮鲜虾肠, 除左有大大粒爽口既虾, 重点系皮同虾中间个层脆米! 为滑溜既虾肠增加一点脆口, 口感层次一流!
另一款招牌点心烧汁酿茄子, 卖相已经非常可爱, 企系度既茄子再加顶帽 呢碟比较热, 食个时要小心D... 个顶帽应该系肉丸黎既, 几弹牙爽口! 下面既茄子就已经煮到林晒喇, 加埋食一爽一软, 又系一佳品!
金沙肥猪仔就系呢度最得意既点心, 3只猪被困系一个笼入面! 造型都几可爱, 耳仔同鼻都几逼真!
呢只猪仔其实就系流沙包黎既, 食个时记得小心热, 我一咬开奶黄汁已经流晒出黎, 好香蛋黄味! yummy!
呢个黑松露小笼包做到皮薄馅靓架! 虽然就食唔到黑松露既味, 不过要做到皮薄又锁得住肉汁, 都好考师傅功夫既~
菜苗饺又系做得几好食下! 可以见到块皮透明到见到里面既菜, 而呢只饺既料非常丰富, 烟韧既皮包住满满既菜及虾, 系一只好饺!
韮菜虾饼就有D惊喜喇! 咬落食到淡淡既韮菜味, 而且虾肉够爽口, 炸完食落都唔会好腻, 系个唔错既炸物!
其他点心仲有烧卖同棉花鸡, 都系高水准的点心, 不过就无咩特别
仲有样野好搞笑, 就系我地不时望到隔离枱有木耳食, 但又唔见点心纸有㖞?! 原来系仲有张$10清凉小食既纸, 只怪我地一开始太肚饿划左点心纸就开始食lu! 所以我地食完正餐先食小食, 叫左个麻酱粉皮同木耳~ 略嫌粉皮既花生酱唔够香, 不过粉皮够滑... 而且第1次食花生酱木耳! 都几特别, 不过木耳呢种清淡既张食都系配返d清清地既酱会好食d!
最后入左单差不多45分钟, 朋友特别想食既花菇滑鸡饭先终于到喇! 虽然已经食到好饱, 不过嗅到饭香又开始想食野! 饭面有半只大冬菇仲有3旧滑鸡加条菜, 个饭软绵绵捞左豉油食真系人间美食呀~~~ 等咁耐都系值得既!点点心既点心真系唔错, 分分钟好过唔少大酒楼, 系就系偏僻左少少, 下次有机会一定黎!
题外话/补充资料：
连外国人都慕名而来!
(以上食记乃用户个人意见 , 并不代表OpenRice之观点。)
张贴
