功夫點心 (已結業)

之前晌另一食评中讲过今个春节试咗两款萝卜糕，分别喺美心及功夫点心，前者已晌另一食评分享过，所以，今篇就喺介绍吓功夫点心嘅萝卜糕。当市面乜糕物糕，出到咩味都有嘅时候，功夫点心所做嘅仍归于传统，就只有腊味萝卜糕及椰汁年糕。 腊味萝卜糕佢哋啲萝卜糕同样主要都喺落腊肠及虾米，不过，配以粗条萝卜喺佢嘅特色，务求突出萝卜嘅清甜及口感。除糕面有唔少腊肠及虾米外，腊肠及虾米亦散布晌糕内各处，而粗条萝卜真喺清晰可见。功夫点心嘅萝卜糕比起美心嘅晌质感上挺身啲，轻煎后亦无咁易散，入口萝卜味不俗，一条条嘅萝卜味道清甜，不过，整体味道稍咸，腊肠感觉未够鲜味。 椰汁年糕至于椰汁年糕，无乜花臣嘢，卖嘅喺简简单单嘅传统味道，一时急住食，煎好后嘅成品连相都忘记影。老实讲，啲椰汁年糕煎好出嚟间间店个样都差唔多，而功夫点心嘅椰汁年糕都做得唔错，软糯唔黏牙，煎耐少少带些少焦香，食落淡淡椰香，比起佢哋嘅萝卜糕，小弟就觉得年糕好食啲 。两款贺年糕点标榜喺香港制造，让客人更有信心其品质保证！晌度趁机都多谢友人嘅点点心意，让小弟同家人可以多试两款贺年糕点。