老點點心竹筒飯 (已結業)

同老友出去旺角中旅附近买完汽车用品，都已经系晚饭时间，于是就起附近揾下有无好野食！老友左点右点，点左我去呢间点心店，个店名都几得意！入去啦！地方有少少窄，不过旺角地段贵，系咁架啦，野食先至系最重要，看看点心纸上面有好多新颖点心，一般酒楼少见，当然要尽情点，起点心纸上剔、剔、剔啦!碧绿带子肠，肠粉皮又薄又滑，带子鲜甜加埋时菜又好爽脆，唔错。红鱼子海皇饺，饺皮晶莹剔透，未食已经见到入面橙黄色嘅鱼子同虾肉，咬落去系原只大虾，连埋红鱼子一啖咬入口，认真爽口兼弹牙，皮薄馅靓，绝对系食过番寻味。戚风班兰马拉糕，质感很松软，入口有淡淡的班兰叶味，食完感觉好清新。高汤鱼翅灌汤饺，卖相已经好吸引，汤饺上面舖满鱼翅，忍不住咬了一口，饺入面有带子和虾，高汤又鲜甜，我一滴不漏将汤全部清哂。吾系老点小汉堡，虾胶好弹牙，再配埋芥辣同沙律酱，真系正到冇朋友，唔怪得系招牌菜之一，真系要点点。芝心脆炸虾丸，虾丸很新鲜，外层脆口，内里弹牙，一口入去，芝士仲会流出黎，说明系即点即做。爱心白汁芝士磨菇鸡批，卖相非常别致的鸡批，曲奇饼皮加上芝士白汁鸡肉，酸酸嘅芝士配上嫩鸡肉，别出心裁。