天府人家

营业中

休息中

再度相约「辣饭脚」食饭，今次因为时间关系只好拣去食午餐。「天府人家」一直喺我嘅「想去」list入面，今次决定就试下佢。去到11:30am啱啱开门，我哋无预先订枱，店员小姐好好人，查完预订表比咗张窗口枱我哋，不过要13:00pm还枱。有个半钟头够晒时间食，鬼叫自己无订位咩~环境好优雅舒服，好干净。我哋系冲住佢哋嘅午市套餐而嚟，叫咗2份套餐大家share食。川面餐：红油猪耳片、重庆金钱肚酸辣粉特式一人餐：凉拌海带、酸菜鱼片、生煎酱肉包(2只)。个炸花生系送嘅，无谂过竟然都系辣㗎！红油猪耳片同凉拌海带又爽脆又劲辣，食得好过瘾。重庆金钱肚酸辣粉嘅牛肚靱咗啲，小失望；但个汤同粉系好味嘅。不过真系低估咗呢度嘅辣度，食食下我哋俩个仲齐齐开始流眼泪水！愈食愈辣，最终顶唔顺都系要叫返2罐汽水解解辣。好在我哋叫咗个酸菜鱼片系唔辣嘅，除左有酸菜同鱼片仲有薯粉。鱼片好嫩滑，「辣饭脚」本身唔钟意食鱼都接受到，仲大赞话好好味。我哋挂住食粉都忘记咗有个生煎酱肉包，凉咗食都唔差，但无乜特别。临走前店员小姐好有心，知道我哋第一次嚟唔清楚辣度，叫我哋下次可以叫小辣。仲有好多野想试，要揾日再嚟食下晚饭至得。