影片
更多
2022-07-08
324 浏览
路经新都城，点都要揾啲未试过，但出名嘅食店去试，在芸芸食店中，见到敏华，印象中好似见过网路上有好多人都赞赏过呢间连锁店，但又唔记得佢咩食物出名，既然系咁，唔理啦！入去见到有乜合眼缘至讲。呢间餐厅地方细细，一反连锁快餐店宽敞阔落嘅印象，唔睇招牌，仲以为去咗啲屋邨或旧楼嘅旧式茶餐厅，因为连装修都有类似格局，但唯独台上的自助点餐机，就知呢间系新装修嘅餐厅。见到餐牌，选择唔算多，好典型嘅茶餐厅餐牌，起冇乜心水下，见到餐厅内周围都系店长推介嘅黯然销魂饭宣传，话啲米系用金凤米，豉油同叉烧都系秘制，而叉烧系用上黑毛猪做，吹到咁行咁巴闭，虽然个套餐包饮品要$71，价钱偏贵，但一来好日唔嚟下，二嚟可以用消费券，即系变相唔使自己畀，就一于试吓佢。餐饮方面，见佢个罗宋汤同冻饮一样价钱，要加$3，有别于一般茶记个罗宋汤同热饮同价，唔使加钱，咁即系暗示佢呢个汤有啲特别，好！一于试吓佢。先讲个汤，以为有乜咁特别，原来冇料到，牛肉碎都见唔到，汤面层辣油都冇埋，椰菜都唔见有几条，辣椒、香叶同茄糕都唔见，系唔咸，好清新、好健康，正面啲睇系健康版嘅罗宋汤，但绝对唔系我想要嘅汤。讲到个黯然销魂饭，有睇过食神电影都知道讲嘅系
呢间餐厅地方细细，一反连锁快餐店宽敞阔落嘅印象，唔睇招牌，仲以为去咗啲屋邨或旧楼嘅旧式茶餐厅，因为连装修都有类似格局，但唯独台上的自助点餐机，就知呢间系新装修嘅餐厅。
见到餐牌，选择唔算多，好典型嘅茶餐厅餐牌，起冇乜心水下，见到餐厅内周围都系店长推介嘅黯然销魂饭宣传，话啲米系用金凤米，豉油同叉烧都系秘制，而叉烧系用上黑毛猪做，吹到咁行咁巴闭，虽然个套餐包饮品要$71，价钱偏贵，但一来好日唔嚟下，二嚟可以用消费券，即系变相唔使自己畀，就一于试吓佢。
餐饮方面，见佢个罗宋汤同冻饮一样价钱，要加$3，有别于一般茶记个罗宋汤同热饮同价，唔使加钱，咁即系暗示佢呢个汤有啲特别，好！一于试吓佢。
先讲个汤，以为有乜咁特别，原来冇料到，牛肉碎都见唔到，汤面层辣油都冇埋，椰菜都唔见有几条，辣椒、香叶同茄糕都唔见，系唔咸，好清新、好健康，正面啲睇系健康版嘅罗宋汤，但绝对唔系我想要嘅汤。
讲到个黯然销魂饭，有睇过食神电影都知道讲嘅系叉烧煎蛋饭，而佢个卖相，尤其是叉烧，一啲都唔吸引，但食落又完全两回事。
蛋系脆边流心煎蛋，冇咩特别，识食嘅，唔使店长提示都知一定要将蛋扒开，等蛋浆同豉油连同个蛋混合埋一齐，先至好食，但豉油好坏，会直接影响蛋浆口感，好明显呢碟饭嘅豉油系一绝，有别于普通家庭食用豉油，明显系店家自己再制过先至有咁嘅效果。
叉烧又系畀佢外表呃到，因为佢外表系啡色，有别于传统嘅红色，而且见到入面一大嚿肥猪油起肉与肉之间，睇见都有啲惊，以为唔掂，点知呢个先至系精华所在，咬落爽脆，肥而不腻，瘦肉与肥肉相间，配合得天衣无缝，非常美味。若果要做类似比较，我会觉得佢嘅质感似腊肉嘅肥肉咁脆，但瘦肉部分，又冇腊肉咁硬，系任何烧腊店或中式酒楼都冇办法食到嘅质素。
至于个饭就更精彩，软硬适中而且有啲绵，非一般用家用电饭煲煮出嚟嘅效果，我都买过金凤米去煮饭，但效果同佢系天渊之别，加上秘制豉油同蛋浆及脆边蛋捞埋一齐食，唔使要叉烧，都可以添食再添食，同样质素嘅饭，真是人生难得几回尝。当然，可能去到六国饭店咁嘅级数饭店食到都未定，但至少我未试过。
总体嚟讲，个饭系超好食，咁嘅价钱食到咁嘅质素，绝对系抵，但个汤就真系好唔掂，宁愿拣冻饮好过。
食评我畀ok系因为个汤拉低分数，其他星星评分都系一样，若单以个饭计，必定系好味。
张贴
