鼎王麻辣鍋 (The LOHAS) (已結業)

久唔久就会想食麻辣火锅，今次就拣咗康城鼎王麻辣锅，鸳鸯锅$68位，汤底系酸菜白肉同埋麻辣火锅，系汤入面嘅鸭血同埋卤豆腐酸菜白肉都可以任加， 特别推荐鼎王嘅鸭血， 口感滑捋捋、绵密软嫩、非常多汁 ，我地加左3次。而用餐时间有90分钟，时间充足。 麻辣锅唔单止麻辣，仲香味浓郁，有别于其他餐厅只有重麻辣味， 唔食得辣嘅朋友可以由小辣开始，如果唔够辣，可以再加。外面有自助酱料区， 有麻辣锅沾酱，味道几好酸酸地唔会好咸，同麻辣火锅都几衬， 另一款系酸菜白肉锅沾酱 ，一样好味。火锅配料：牛柏叶 $68御选小羔羊 $158猪腩肉 $68卤大肠头 $98鱼皮饺 $78日本广岛蚝 $188炸鱼皮 $78以上火锅配料都非常新鲜，广岛蚝超级鲜甜， 炸鱼皮都好松脆， 将炸鱼皮放入麻辣汤 ，会发出霹雳啪嘞声， 食落口都非常脆， 卤大肠头非常入味口感软软的， 最后想赞下呢度嘅细切芫茜好新鲜，我拿咗碗净芫茜用嚟点鸭血食，真回味无穷。好夹呀！！鼎王除咗麻辣锅出名，服务亦都超好， 服务员亲切有礼，经常主动询问需唔需要加鸭血豆腐， 又为我哋消毒点菜ipad。 是次用餐感觉非常好，真系好似去咗台湾咁。