魚鈁 (汝州街) (已結業)

实在好耐好耐都冇食过川菜，所以心血来潮都想辣一辣，顺便试吓自己食辣嘅功力有冇退步到真系见到个Menu都兴奋，所以最后两个人叫咗四样嘢，最后竟然成功清晒，因为实在太好味。食辣野当然唔少得水煮鱼，我哋俾贵少少拣咗桂花鱼，因为可以啖啖肉又冇乜骨。我哋叫咗中辣，好彩惹味得尼都唔算太辣，桂花鱼真系好滑，冇叫错。朋友好想食麻辣鱼春煲，本身唔系好食内脏嘅我，几经挣扎都决定舍命陪君子。但系个鱼春煲貌相一啲都唔讨好最后鼓起勇气食咗一细旧，竟然好好味。啲鱼春系炸过比较干身，加埋麻辣，一啲腥味都无，好香口，如果唔讲其实唔知自己食紧鱼春，系会食完想再食，送饭一流。嗌左两样辣嘅嘢，就嗌返一个唔辣嘅油盐水煮蚬平衡返，个蚬就唔算好大只，不过同个油盐水煮埋就劲鲜甜，我差啲饮晒啲汤唔知点解我觉得食川菜一定要有土豆丝，所以埋尾就嗌左个辣炒土豆丝，冇乜特别，不过为呢一餐画上完美嘅句号