湘湘娘娘 (已結業)

今日嚟到尖沙咀嘅楼上川菜馆湘湘娘娘食饭 ! 😁😁 第一次嚟 . 中式嘅装修配埋尖沙咀嘅闹市夜景 , 别有一番风味 ! 食物种类都好多 , 价钱合理 !胡麻酱拌粉皮 ($58)有 2 种质感的粉皮捞埋一齐 , 口感丰富 , 汁带微酸 . 好开胃 , 秒速清碟 🤪🤪蟹粉小笼包 ($96)咬落去会见到蟹粉 😋😋 真材实料 , 比普通小笼包带多一份鲜味 !花雕醉鸡 ($108)鸡肉 1 d 都唔嚡 . 生熟度掌握得好 , 唔会血淋淋 . 汁唔太咸又带微微酒香 👍👍 Nice ~干烧大虾 ($188)有大概 8 - 9 只 , 已经去晒虾须虾脚 , 食起上黎都方便 , 虾弹牙 , 个汁酸酸甜甜 , 好惹味 😳😳 送饭一流 !京葱爆牛肉 ($128)炒得好够镬气 ! 牛肉好腍滑 😆😆 京葱都系重点 , 好甜 !干煸四季豆 ($68)呢个菜式从来都冇得输 ! 好食带微辣 ! 😎😎👍嫩鸡烩面 ($68)清清地 , 个汤浓郁 , 好重鸡味 ~ 小小一碗岩岩好 !冰粉 ($38)最后我哋仲叫咗一人叫左一个冰粉 ! 😍😍 好食 ! 推介 !!整体黎讲 , 食店食物选择丰富 , 价钱系尖沙咀黎讲可以话几抵食