流水蝦

营业中

休息中

好多新鲜生猛虾，望到已经好想食，水缸就系座位隔离非常方便，夹起左既虾先放入冰水等只虾晕左，再放上炉烧，咁样d虾冇咁挣扎周围弹，只只虾身型都好饱满，而且仲有爆满虾籽，虾头亦有好多膏。坐低无耐，店员会送上一艘海鲜船和优质牛肉，鲍鱼大只饱满，爽口弹牙，加左生蒜更加惹味，至于扇贝虽然熟左会收缩变细，但一d都唔干身，只需加少少调味已经好足够，牛肉方面肉和油脂分布比例都几平均，入口有油脂既香味同时保留到牛味。另外仲有其他款式种类，都系自助形式去拎，觉得几特别既系居然有鸡软骨，口感”索索”声，而且腌得够入味，我几钟意鸡肾厚切，因为食落咁先有口感，不过鸡肾中心店比较难烧熟，要烧耐少少，食烧物点少得烧菠萝，外层焦脆，内里清甜多汁。炸物同样系任拎，放在一个保温柜内，所以食落仍然带有微热温度，一边食住炸物一边烧住等。