影片
更多
2016-09-01
1114 浏览
先庆一庆食开工饭，见有六人，自己又想试私房菜，就订位叫餐啦！首先，你必先上佢FB度拣餐单，以人头计，以自己可负担嘅budget而拣，平有三百头，个餐单内容一般，最后我地（其实系我）拣左个$398餐。头盘沙律、木耳同秋葵，好新鲜，离开时见到系自家种值，加埋个酱，鲜味好出！清新完就食冷盘流心蛋，入口即溶，而个茄子炸到岩岩好，碟底嘅汁少少辣，带番起好野味。个头开得好好，对之后嘅热盘都有期望！先上汤，绝对系老火汤，鲜味、肉味、浓汤味，一饮就知煲左好耐，而且每位上，感觉系盅炖汤，绝对唔系大煲汤之后分。见到带子系黄禁禁嘅野上面，一食，原来个底系蛋白，蛋白内有上汤味，好有心思嘅煮法，但黄禁禁嘅面⋯⋯有d甜，但唔系芒果，真心估唔到！油炸鬼咪油炸鬼，一䇲原来入面有干坤，入面酿左虾胶，爽口弹牙，加埋酸甜酱，一流！黄金虾，一上我地全枱赞卖相好，碟边重有薯蓉，虾好脆口，好香口，连壳都可以食埋，大只多肉，个头都keep到下汁，好好味！去到鸡，系招牌菜，果然系无错，鸡肉嫩口，浓汁，个底嘅洋葱吸晒d汁，真系食完一件又一件，但对女仔来讲，食到呢度已经好饱，战斗力真系无咩！清清地食番碟菜，让我们行更远嘅路！荷叶鱼饭，都
首先，你必先上佢FB度拣餐单，以人头计，以自己可负担嘅budget而拣，平有三百头，个餐单内容一般，最后我地（其实系我）拣左个$398餐。
头盘沙律、木耳同秋葵，好新鲜，离开时见到系自家种值，加埋个酱，鲜味好出！清新完就食冷盘流心蛋，入口即溶，而个茄子炸到岩岩好，碟底嘅汁少少辣，带番起好野味。个头开得好好，对之后嘅热盘都有期望！
先上汤，绝对系老火汤，鲜味、肉味、浓汤味，一饮就知煲左好耐，而且每位上，感觉系盅炖汤，绝对唔系大煲汤之后分。
见到带子系黄禁禁嘅野上面，一食，原来个底系蛋白，蛋白内有上汤味，好有心思嘅煮法，但黄禁禁嘅面⋯⋯有d甜，但唔系芒果，真心估唔到！
油炸鬼咪油炸鬼，一䇲原来入面有干坤，入面酿左虾胶，爽口弹牙，加埋酸甜酱，一流！
黄金虾，一上我地全枱赞卖相好，碟边重有薯蓉，虾好脆口，好香口，连壳都可以食埋，大只多肉，个头都keep到下汁，好好味！
去到鸡，系招牌菜，果然系无错，鸡肉嫩口，浓汁，个底嘅洋葱吸晒d汁，真系食完一件又一件，但对女仔来讲，食到呢度已经好饱，战斗力真系无咩！
清清地食番碟菜，让我们行更远嘅路！
荷叶鱼饭，都有d油，饭都吸晒汁，鱼鲜，不过真系食唔落落去，因为重有甜品。
先有四种味雪糕（朱古力、芒果、绿茶同曲奇），朋友话可能系自己整，唔会系事面买到嘅大牌子。另外，有炸香芋头蓉嘅煎堆，饱都要食埋去！
整体真系好好，货真价实，值回票价！
张贴
