三點三冰室

营业中

休息中

茶餐厅系香港嘅独特饮食文化, 到咗三点三下午茶时间, 大家又可以休息吓食吓嘢。青衣城嘅三点三冰室卡位都几多, 餐牌上可以找到怀旧嘅食物, 缅怀昔日嘅美食。怀旧鸳鸯饭呢度都有得食, 番茄鸡丝饭和粟米忌廉虾仁饭各一半, 酸甜和香滑嘅味道, 一次过满足两种口味。海南鸡饭海南鸡去咗骨, 食得好放心, 肉质好嫩滑, 可以点几款酱料, 大大碗鸡油饭, 幼滑咸香, 吃落又唔觉肥滞。XO酱叉烧炒肠粉叉烧肉质腍滑, XO酱不太浓味, 炒肠粉够爽滑。芝心虾多士虾多士香脆不油腻, 芝士流心热辣辣, 两者味道上好配合, 点配沙律酱, 味道更加提升。生炸鸡髀沙律 鸡髀好大只, 外皮炸得香脆, 肉厚有肉汁, 食落好香口, 配以杂果沙律, 香甜又醒胃。还有雪糕红豆冰, 龙凤柠乐和咸柠七等怀旧嘅饮品, 味道依然吸引。