八歌仙 (家樂坊) (已結業)

约咗啲酒肉朋友食嘢，九点开始有七五折，食咗B餐，个人觉得以呢个价钱嚟讲。抵食都算，佢七五折再加一之后400头，咁多食物嚟讲算系几抵，又可以打边炉又可以烧肉，劲多肉食左，个人觉得打边炉嘅肉好食啲可能个烧烤火炉一般啲嘢好似烧得干争争咁，同埋好似比较慢，食肉都饱晒，所以食咗其他嘢比较少，寿司手卷同埋天妇罗𠮶啲都冇叫。叫咗鸡翼超好食出乎想像，所以下次都有机会会再嚟食，就食少啲肉食吓其他嘢，到时可以叫a餐试吓都好，因为除咗肉之外，佢其他熟食都系差唔多，咁样仲会更加抵食。另外一提佢晏昼a餐199仲有七五折，其实真系超抵，因为通常晏昼都系得一个钟食饭，食得几多啊？呢个价咁多嘢食，真心可以一试，不过我食嘅时候，OpenRice有得book位，但系之后介绍朋友食，佢哋话已经冇得订，打电话打咗几日都冇人听，所以最后放弃咗，希望可以有得喺OpenRice book返位。咁就方便啲啦