松山素食 (已結業)

系上环番工，日日lunchtime经过都见到人头涌涌，今日终于有时间试下佢睇佢门面好多人等紧，但原来运作得好有系统。首先排队落单，跟住佢会比个牌仔你，代表你个编号，之后就行埋一边等，估唔到咁快，虽然好多人，几分钟就拎到个饭喇！每日都会有六个𩠌比你拣，我叫一个叫左三𩠌饭，同事就叫左个星洲炒米斋都可以好好食！我叫左咕噜素肉、麻婆豆腐和杂豆肠仔炒蛋，完全唔系传统观念既素食果种单调同清淡，而系好有惊喜，甚至好食过好多食肉既铺头，而且仲送左花生眉豆木瓜汤，清甜滋润以后希望自己都可以做到响应Green Monday，一星期食一次素食，又健康又好味😋