了素食 (已結業)

朋友介绍嚟食，而且有9折卡，不过其实都唔算平，同出面差不多，都要7，80或以上一碟。仲有茶钱同加一。时蔬叉烧叉烧即系面筋，质感同味道都几似真叉烧，但可能面筋索油关系，有d腻同邪恶。云吞好食，个腐皮闻说系深水埗好出名𠮶间攞货，真系几滑，又唔韧，个汤都好饮冇味精。炸鲜奶拼荔茸卷炸鲜奶一咬开见到绿色比佢吓亲，以为变坏，但食落先知系蜜瓜奶，而且同阳光密瓜豆奶𠮶只味系一模一样，点解炸鲜奶变咗炸蜜瓜味豆奶🤔，荔茸卷普通。有糖水送，系黑芝麻糊，但好难食，好似系即冲𠮶d，冇黑芝麻味，而且见到个质感系好似d油包住一点点黑芝麻咁，不过唔使钱送既就算啦，都唔可以要求d乜。