千里屋食堂 (已結業)

最近变咗港岛区嘅我，好多时候都会系港岛区到觅食，行开铜锣湾，见到呢间主推鹿儿岛黑和牛嘅小店，就想试一试喇价钱其实真系有贵有平，平嘅有牛肉丼饭，贵嘅有和牛寿喜烧、铁板和牛等等我就拣咗和牛牛肉寿喜烧套餐，其实都几丰富，套餐包括有和牛片、两款前菜、蔬菜、渍物、味噌汤同生鸡蛋。其中一款前菜系炖牛肉，牛肉几淋又带点牛香，仲有啲香葱碎，加咗啲清新味道；另外一款就系卷蛋，中间系微微半熟，所以一啲都会好干。寿喜烧汤底滚起之后，就可以放入和牛片，甜酱油味道颇浓，同牛肉味几夹，食得多会有啲漏，所以配埋生鸡蛋浆，感觉无咁腻，而且令到牛肉口感更加嫩，食落牛肉富有牛香，而油脂分布，口感未可以去到入口即溶嘅感觉，但系因为系和牛嘅关系，肉质都尚算嫩男朋友就拣咗高级黑安格斯牛肉牛扒套餐，同样有两款前菜、蔬菜、渍物及味噌汤。呢个嘅食发有啲似吉烈牛，牛扒本身已经微微煎过，但系中间都系比较生嘅，所以食之前要放上铁板到烧一烧先好食，但系又唔洗太耐，如果唔系就会太老喇。煎香嘅牛扒都几惹味，虽然都有牛香，但系就无前者咁重味，啲牛肉汁同啲珍珠米嘅味道都几夹~