The Joomak (已結業)

朋友系素食者，配搭我呢个肉食兽，有时都几难揾餐厅。一系啲餐厅无素食menu ，一系就全素食满足唔到我。不过呢间 韩式居酒屋 The Joomak 就解决晒我地嘅疑虑。The Joomak 有部分菜式系以素食为主旨，但因为韩式料理系以甜辣重口味为主，所以即使系素都唔会觉得味道太单一。韩式甜辣素炸鸡同素肉卷就系 "扮"肉嘅菜式。说穿了素炸鸡嘅口感同味道同真嘅炸鸡系有啲距离嘅，但胜在口感实而不干，加埋上面嘅甜辣汁，饱肚又可口。泡菜煎饼，两面煎得香但唔系香脆口感，不过不失。我要推介嘅系芝士五重拼盘！拼盘有年糕、翠玉瓜、鱿鱼圈、炸鸡同菇。个芝士真系好香又唔腻，吉住鱿鱼圈配芝士，一来鱿鱼圈炸完都唔靭，二来芝士味齿颊留香，真系好好味呀！回味，就系食完美食但你唔想饮水冲走嘅味道～ 盛载住芝士嘅toast 面包一定要食！松软配埋啲芝士汁～妈呀，如果唔系我要减肥，我真系想食多啲！