華姐清湯腩

营业中

休息中

朋友v系附近读左2年书，虽然早就想黎呢度朝拜，可惜一直苦无机会。刚好我又心血来潮想黎食，于是揾埋朋友c，3个人黎开餐。由于食晏时间，人太多，即使我地只系3个人，都要分开2张台坐。不过阿叔好好人，讲到明坐住先，有人走就会俾我地一齐返。最后，有2台人走，本来阿叔想俾个靓位我地，但刚好又有3个大男人黎到，阿叔就叫我地坐去另一个比较逼既角落。虽然位置唔太好，但佢猛咁讲唔好意思。服务咁周到，我地都无所谓。横掂都系食一阵，有好野食就得啦。既然一心系想黎食好野，最后我地叫左净坑腩、净爽腩、腩汁萝卜，同埋净面/粉/河各一。净坑腩d肥膏真系无得敌，好浓郁既咸香味。即使on diet既我都忍唔住一啖一啖咁将白茫茫既肥膏放入口。净爽腩相对于坑腩，个人觉得呢个较失色。若以口感黎讲，当然是爽腩嬴。但就无左浓浓既牛腩味。腩汁萝卜虽然仲未当造，但食落无渣，相信冬天既时候会好味得多。河粉索晒d味，而且煮既时间刚刚好，最怕食煮得太淋既河粉。上次就咁叫一碗其实都觉得几好味，但如果真系想食好野既，最好都系叫净腩+净面。呢一餐，真系回味无穷。