籠太子點心專門店

营业中

休息中

约左老友打波，出到太子，见时间尚早，一齐去医左肚先，我地黎左呢到食点心，裹面装饰几特别，用雀笼做灯饰，地方算大，可以坐好多人。又系我最爱的鲜虾烧卖皇，咬落去啖啖肉，用左原只鲜虾，有鲜味同埋好弹牙，正呀!鱼肚水饺，水饺皮薄馅靓，配搭埋鱼肚一流，D汤有鲜味，没有味精，最后我都一滴不漏饮哂D汤。香滑反斗糕，迷你的反斗糕，个糕真系想跳出来，质感很松软，而且又不太甜，唔错。多汁小笼饱，皮薄又多肉汁，咬落去咇晒出来!煎虾胶酿茄子，虾胶同茄子是很好的配搭，虾胶弹牙新鲜，煎得几香脆，再配上酱汁，惹味得很!香芒沙律盏，卖相相当吸引，只系用左少少士多啤梨来点缀及香芒酱之外，其余全部都系苹果肉，觉得可以改善一下，如再加埋其他生果，咁仲会更加好味!古法糯米鸡，真材实料，裹面有鸭胸、腊肠同鸡肉等，D鸡肉大件又好滑，真系顶呱呱!同老友食饱饱就出发去打波消下脂，过几日再来过!