龍城金記海鮮火鍋

营业中

休息中

今晚1大班朋友约了在九龙城打边炉，去了我听就听得多，但系未去过的龙城金记，朋友极力推介，话呢度嘅牛同猪都非常出色，讲多无谓，试过就知，睇片先。衬锅底未滚，先食个象拔蚌刺身；即叫即切，新鲜爽口，大只，鲜甜。汤底我们要了粟米蕃茄猪骨并沙嗲，猪骨汤底够哂味，而沙嗲汤底果然是镇店之宝，香浓惹味。既然朋友话呢度啲牛同猪都出色，咁当然要试吓招牌金记牛魔塔；分三层，上层是坑腩及胭脂两款牛肉粒，第二层是牛脷及鲜牛肉，最底层是金钱𦟌以及特级手切肥牛。由于这里用的全是新鲜牛肉，所以无论是牛味、肉质及口感都非常出色，冇得顶。牛出色，猪都唔轮蚀。西班牙黑毛猪肉粒软腍，好香猪肉味，而猪前𦟌筋则非常爽口。这里的猪红及鲜鸡肠亦是必食之作，新鲜干净。打边炉当然唔少得炸响铃，新鲜炸起，松脆香口。肉类出色，这里的蔬菜亦非常新鲜，如豆苗萝卜冬瓜片及冬菇等，阿J 大赞。无论汤底、肉类或蔬菜水准都非常高，唔怪得可以喺九龙城䇄立咁多年。