影片
更多
2012-10-09
2189 浏览
一家四口第一次来这里食饭, 我都叫左我细佬book位架啦, 佢又话唔驶, 话应该无咁多人食哂啦, 今日星期一应该冇乜人挂? 点知七点半去到, 门口都有一堆人, 谂住有排等, 点知都系等左 15 分钟倒, 算 ok 啦, 但系上到楼上, 见到有几张吉台架.... 坐低左之后, 环境都ok, 一般旧色酒楼/饭店咁既格局, 侍应都系一般旧色酒楼/饭店咁既侍应......不过态度唔错, 我地张台对到正风口, 吹到我地头晕, 咁我地就话唔坐呢张, 如果冇台我地宁愿落去再等过. 咁跟住佢地又揾到张角落头位 (同隔黎台逼逼地) 比我地, 咁都冇所谓, 唔好吹到正就ok, 搞左一轮 d 侍应都冇话唔耐烦咁, 都仲同我地有倾有讲睇过哂食评先黎既, 我地叫左 d "听闻" 系必叫的.....一蚊盐焗鸡 ---- 同一般盐焗鸡无大分别,SIZE亦差不多,不过一蚊真系超级抵食砵酒焗生蚝 ---- 本来我叫姜葱生蚝, 因为我本身好钟意食姜葱, 点知呀姐话... 叫砵酒啦, 呢个好食好多架, 仲话 75% 的人都叫砵酒架! 咁我地就信佢啦, 哈哈, 点知真系好好食㖞, 个面有少少香脆, 蚝味浓郁, 里面仲有汁 j
一家四口第一次来这里食饭, 我都叫左我细佬book位架啦, 佢又话唔驶, 话应该无咁多人食哂啦, 今日星期一应该冇乜人挂? 点知七点半去到, 门口都有一堆人, 谂住有排等, 点知都系等左 15 分钟倒, 算 ok 啦, 但系上到楼上, 见到有几张吉台架.... 坐低左之后, 环境都ok, 一般旧色酒楼/饭店咁既格局, 侍应都系一般旧色酒楼/饭店咁既侍应......不过态度唔错, 我地张台对到正风口, 吹到我地头晕, 咁我地就话唔坐呢张, 如果冇台我地宁愿落去再等过. 咁跟住佢地又揾到张角落头位 (同隔黎台逼逼地) 比我地, 咁都冇所谓, 唔好吹到正就ok, 搞左一轮 d 侍应都冇话唔耐烦咁, 都仲同我地有倾有讲
睇过哂食评先黎既, 我地叫左 d "听闻" 系必叫的.....
一蚊盐焗鸡 ---- 同一般盐焗鸡无大分别,SIZE亦差不多,不过一蚊真系超级抵食
砵酒焗生蚝 ---- 本来我叫姜葱生蚝, 因为我本身好钟意食姜葱, 点知呀姐话... 叫砵酒啦, 呢个好食好多架, 仲话 75% 的人都叫砵酒架! 咁我地就信佢啦, 哈哈, 点知真系好好食㖞, 个面有少少香脆, 蚝味浓郁, 里面仲有汁 juicy添~~
浓汤鲍翅 ---- 四人份量都算足料,汤底的确够浓,啲翅真系用筷子都”夹”得起
蒜茸蒸圣子 ---- 圣子好爽口,不过粉丝好似少左啲
生炒骨 ---- 味道OK,同一般酒楼无分别
啫啫生菜煲 ---- 好好味,上枱时一开盖啲烟升到上天花咁制,一阵阵浓浓虾酱味另人食指大动
姜葱炒蟹 ---- 本来想叫龙虾,但原来特价菜叫左一蚊鸡就无特价龙虾,咁都正常既,所以就叫左只膏蟹,蟹膏都几多,最重要系只蟹够多肉,抵食!
总括来讲龙宝酒楼小菜味道称唔上超好食,但价钱都算公道,个人认为食海鲜系比较抵食,用料又够新鲜,而最近新出优惠亦非常吸引,值得推介,下次再试埋个龙虾先
张贴
