名 料理 (已結業)

趁著天朗气清，谂住入大尾督观星，咁观星之前，梗系食左野先。因为友人揸车，所以拣左间有得泊车嘅餐厅。记得见到龙尾村牌坊先好转入嚟，我地跟Google map行差d转早左一个路口。舖面装修走日式木系风格，配合沿海的地段，清新舒服。太耐冇见，一嚟就叫左烧鸡泡鱼干、烧芝麻鸡翼同埋鸡肉棒，再加2杯冰冻梳打。烧鸡泡鱼干烧得刚刚好，口感一流，可惜揸车唔可以送啤酒。另外，烧芝麻鸡翼简直一流，上枱时仲热辣辣，外皮干脆内里软滑有肉汁，好想encore食得串烧梗系唔少得一杯冰冻饮品，梳打即叫即做，够冻，亦唔会太甜食完前菜，我哋见到隔离枱食火锅，所以我哋亦都请店员介绍咗个牛小排火锅。火锅附送稻庭乌冬，十分弹牙。本来友人说汤底略嫌淡味，但一直将牛肉放入锅后，汤底变得鲜甜浓郁。牛小排亦值得一赞，有肉味下次嚟开龙尾，可以再试其他串烧同刺身，最好可以小酌一杯啦。