龍島

营业中

休息中

饼店：龙岛地点：铜锣湾崇光百货菜式：蛋糕，朱古力杂莓拿破仑蛋糕 对角7.5寸 $498早两日系龙岛订左个杂莓拿破仑蛋糕，因为售货员话对角5.5寸$348可能只够3个人食，所以买个大，对角7.5寸感觉上大少少不过贵好多......呢个价钱竟然唔包自订朱古力牌，要加$20，有d过分。拿破仑蛋糕得两款口味，拣左呢款杂莓味道大众化少少，可能另一款朱古力会好味d。杂莓拿破仑蛋糕主体系三层千层酥夹住吉士忌廉同新鲜杂莓，杂莓有3款，包括士多啤梨，红桑子，蓝莓。面头都有吉士忌廉同新鲜杂莓，仲加上金箔装饰。切开先知原来入面系有好多新鲜杂莓。主体千层酥系明显由多层组成，好酥脆，唔算太油，吉士忌廉香滑邪恶，系好食！入面好多新鲜杂莓，酸酸地可以中和油腻感。呢款拿破仑质素系好嘅，因为生果多，所以我一个人食左3分1都唔觉滞，反而仲觉得可以再多少少吉士。不过以呢个分量黎讲价钱就贵左啲，而且连自订朱古力牌都唔包，7.5寸大概可以六个人分。