影片
更多
2021-06-28
23 浏览
由于好耐冇食过鸡煲，住系附近嘅朋友就建议去食龙德楼嘅中菜，仲可以叫多半只鸡煲。餐牌选择颇多，而且仲有炖汤饮，当然要试试佢🤤。🐓胜利秘制鸡煲 $138（半只）鸡煲热辣辣送上，虽然只有半只鸡，但入面都有好多鸡块，绝对够两个女仔食。配料上竟然有猪皮🐷，真系第一次试猪皮配鸡煲，估唔到吸晒酱汁又真系几惹味。鸡肉唔会柴，都几入味，而且食到底都仲有唔少酱汁。本身惊会太辣，于是我哋选择咗次一级嘅微辣，不过反而就食落觉得唔太够辣，如果辣啲应该会更惹味，钟意重口味嘅大家建议可以选择中辣🌶。👅评分：8/10🦑椒盐鲜鱿 $88每次食小菜都必点椒盐鲜鱿，表面炸得香脆，但又唔会食落感觉好油腻。鲜鱿切到大大旧，新鲜得嚟又肉质弹牙，点埋喼汁真系无得输。👅评分：8/10🌱腐乳炒通菜 $68咁多种炒时蔬入面，通菜一定系我嘅首选，最钟意清爽有咬口嘅口感。腐乳嘅咸香加上椒丝的微辣，真系几下饭🍚，不过如果味道再浓少少就更好啦。👅评分：7.5/10🥣足料炖汤 $48 each炖汤真系我当晚最期待嘅一项，两款炖汤分别系虫草花螺头炖鸡汤同埋杏汁菜胆炖白肺汤，两碗都真系劲足料🤩。两款炖汤都好特别，朋友比较钟意个炖鸡汤，味道清甜，感觉好
🐓胜利秘制鸡煲 $138（半只）
鸡煲热辣辣送上，虽然只有半只鸡，但入面都有好多鸡块，绝对够两个女仔食。配料上竟然有猪皮🐷，真系第一次试猪皮配鸡煲，估唔到吸晒酱汁又真系几惹味。鸡肉唔会柴，都几入味，而且食到底都仲有唔少酱汁。本身惊会太辣，于是我哋选择咗次一级嘅微辣，不过反而就食落觉得唔太够辣，如果辣啲应该会更惹味，钟意重口味嘅大家建议可以选择中辣🌶。
👅评分：8/10
🦑椒盐鲜鱿 $88
每次食小菜都必点椒盐鲜鱿，表面炸得香脆，但又唔会食落感觉好油腻。鲜鱿切到大大旧，新鲜得嚟又肉质弹牙，点埋喼汁真系无得输。
👅评分：8/10
🌱腐乳炒通菜 $68
咁多种炒时蔬入面，通菜一定系我嘅首选，最钟意清爽有咬口嘅口感。腐乳嘅咸香加上椒丝的微辣，真系几下饭🍚，不过如果味道再浓少少就更好啦。
👅评分：7.5/10
🥣足料炖汤 $48 each
炖汤真系我当晚最期待嘅一项，两款炖汤分别系虫草花螺头炖鸡汤同埋杏汁菜胆炖白肺汤，两碗都真系劲足料🤩。两款炖汤都好特别，朋友比较钟意个炖鸡汤，味道清甜，感觉好养生。杏汁炖白肺汤就比较滋润，而且好香杏仁奶味，钟意杏仁嘅朋友一定好钟意。
👅评分：8.5/10
张贴
