龍皇酒家 (Mikiki) (已結業)

龙皇酒家，唔讲唔知系帜哥开嘅龙王酒家集团旗下嘅酒楼，话明系帜哥既咁出名，点心都几架势㗎。首先喺mikiki呢间龙王酒家就未见过lunch会排长龙嘅，但系我哋10几人去食都订咗位先费事无位。睇吓个菜单有咩食，简直系吓咗一跳，叉烧都要＄168一碟，烧腩仔都咁上下都要过＄100先有一碟，一于叫你试吓有几好食。除咗烧味惊为天人之外我哋都叫咗一般饮茶会食嘅点心例如虾饺烧卖，小笼包，流沙包，凤爪，金钱肚等等，仲叫咗个炒饭同埋炒面添。𠮶个蜜汁叉烧又真系松软又唔会太甜又唔会太肥腻既，值唔值就见仁见智啦。而炒饭炒面都真系好有镬气之余又好够味， 10几人食我谂买单都几千蚊左右啦，属于贵价嘅饮茶之选。