原味棧 (已結業)

今次到原味栈尝试海鲜火锅放题，$208一位，晚上正价时段由6:30至9:30。火锅汤底有三款，我就拣左龙穿凤，个名好得意！龙穿凤其实即是胡椒海虾鸡窝，套餐包左豪华海鲜拼盘，美国安格斯手切肥牛片仲有时令菜篮。龙穿凤个汤底胡椒味好重，汤底已经有鸡肉同海虾！鸡肉份量十分多！用胡椒汤底令鸡肉好入味，而肉质好嫩滑，海虾新鲜又好大只！肉质弹牙。净系汤底材料份量都好多！食完汤底d料就开始食海鲜啦！海鲜拼盘好丰富！有鲍鱼，龙虾，花蟹，北寄贝，海虾，埾子，螺，蚬，好丰富。所有海鲜都好新鲜！我地将海鲜逐样放入去煮。当中最爱花蟹和鲍鱼，鲜鱼肉质弹牙，花蟹味道鲜甜，而龙虾又好大只而且仲好多膏！第一次用胡椒味汤底煮海鲜，令海鲜味道提升，除左海鲜本身鲜甜味之外，仲令海鲜味道更野味！食完海鲜就食美国安格斯手切肥牛，牛肉味好重，配合胡椒的野味，刚刚好！完全唔使点酱油已经够晒味！套餐仲有个时令菜蓝，有金菇，生菜，冬菇，蕃茄，粟米，全部都好新鲜！食完肉食番d菜好似健康d！d菜用胡椒汤底煮完劲好味！除了套餐包括的主食材之外，仲有其他火锅料是任点，以依个价钱黎讲都算几抵食！