影片
更多
2020-12-13
2476 浏览
虽然行山唔少，但真喺较少行港岛区，因为对我呢个「九龙人」嚟讲交通驳嚟驳去，继早前行西环嘅龙虎山，今回朋友吹鸡行南区嘅龙脊，未行过，又有啲挑战，当然举手去行吓啦。好快行完龙脊，再驳埋落大浪湾，一路落梯级，同样好快行完，所以，最好揾个地方坐吓，叹个下午茶，结果就拣咗对住海滩嘅「Eric's Kitchen」，纯粹贪有景。 呢度好多人帮衬，因为全部露天位都对住个大海滩，虽然天气有啲阴，但始终都喺开扬，景观舒服。而嚟嘅人绝大多数都喺外国人，唯一唔好嘅喺要接受有人吸烟，我哋隔离枱嘅外国男就正正喺烟民，此外，其实枱与枱之间都有啲贴。 由于食正个靓位，佢哋嘅定价就肯定贵足全个大浪湾，所以，想食得抵啲嘅人，佢拣入面啲嘅士多，好似啲小食，平成半有多。咁佢哋都定位喺间餐厅，所以，食物嘅选择都算全面，有汉堡、薄饼、热狗、三文治、全日早餐、沙律、炸鱼薯条、小食、窝夫……等等，饮品方面有汽水、啤酒、梳打、沙冰、港式饮品……等等，以沙滩嘅小店而言，真喺选择多多。 玉泉西柚梳打 $10、手工啤 $40小弟平常都少饮汽水，平平哋要咗罐西柚梳打，印象中出面好似较少见呢款西柚梳化，而其中一个老友就应吓景，要咗一樽手工啤「
呢度好多人帮衬，因为全部露天位都对住个大海滩，虽然天气有啲阴，但始终都喺开扬，景观舒服。而嚟嘅人绝大多数都喺外国人，唯一唔好嘅喺要接受有人吸烟，我哋隔离枱嘅外国男就正正喺烟民，此外，其实枱与枱之间都有啲贴。
由于食正个靓位，佢哋嘅定价就肯定贵足全个大浪湾，所以，想食得抵啲嘅人，佢拣入面啲嘅士多，好似啲小食，平成半有多。咁佢哋都定位喺间餐厅，所以，食物嘅选择都算全面，有汉堡、薄饼、热狗、三文治、全日早餐、沙律、炸鱼薯条、小食、窝夫……等等，饮品方面有汽水、啤酒、梳打、沙冰、港式饮品……等等，以沙滩嘅小店而言，真喺选择多多。
玉泉西柚梳打 $10、手工啤 $40小弟平常都少饮汽水，平平哋要咗罐西柚梳打，印象中出面好似较少见呢款西柚梳化，而其中一个老友就应吓景，要咗一樽手工啤「龙脊」，佢话有阵阵荔枝味，感觉几唔错，易入口，亦有啲个性。
炸咖喱角 $50一客有6件，而后尾经过入面嘅士多，同样有炸春卷、炸咖喱角，但就卖$30左右，所以，多本地客帮衬。明显大部份价钱都喺食个景，而伴啲泰式酸辣酱，比起就咁唧啲茄汁，算喺多几分诚意，当然，咖喱角嘅味道就无话有咩特别。唯一要赞，就只可以讲喺用上啲较环保嘅刀叉，当然，用番啲可以洗洗就再用嘅不锈钢刀叉就更好啦。
窝夫 $65餐牌就只写住配以时令水果、鲜忌廉，实质就喺香蕉同现成货嘅唧唧忌廉。老实讲，晌度食窝夫你就唔好有咩期望，真喺纯过吓口瘾而已，基本上，叫OK啦，啲窝夫都松软，但就唔热嘅，暖也讲唔上。但我哋共同有个疑问，呢一只形嘅窝夫，应该一底有4件，咁剩低𠮶件晌边？俾下个客？咁就更加唔喺新鲜做，而且，香蕉都喺得半只量左右，咁剩番半只又留嚟俾下手？卖到$65，都唔志在俾埋半只个客吧！
由于今次嘅龙脊之旅都较有特色，天气亦唔错，当然都借个版位分享少少行山相片，整段路程对小弟而言都唔难，算轻松。不过，讲真，人就真喺好多，尤其上山梯级段，不时都塞人，利申：近乎全程戴住口罩行，其实，都习惯晒！
个人睇法，如果行完山，肚饿想食吓嘢，就建议晌入面啲士多食，当然，只喺试咗咖喱角同窝夫，意见唔讲得全面；而如果纯粹饮吓嘢，啤一啤，过嚟揾个海景位hea吓，咁晌「Eric's Kitchen」就无妨。
张贴
