i kitchen (已結業)

星期六去工厦揾食，食返个楼上西餐。工厦入口要登记个人身份资料先可以上去，保安严密。上到去餐厅唔算好大，但系座位都算坐得不错。晚市有散叫、可以优惠价加配套餐，套餐跟餐汤及饮品，我哋选择咗散叫。▶️香煎厚切鹅肝伴纽西兰牛柳$248见到鹅肝配牛柳非常之啱我口味，就叫咗呢一个。牛柳拣咗五成熟，牛柳有两块厚身、份量够食，牛味香浓。另外仲有牛扒汁及芥末可以点。鹅肝煎得几香，满满鹅肝油，好满足！加$38加咗刺身带子，有三粒味道唔错。▶️米兰式龙虾海鲜大烩$218呢个用一个透明袋装住，上枱时店员会剪开透明袋，入边有龙虾🦞、青口、墨鱼、带子、翠玉瓜等。海鲜大会汁酸酸甜甜，带少少胡椒香。龙虾几爽口，青口又大只。观塘区晚餐，呢个价钱都几抵食。