Day and Nite by Master Kama (已結業)

之前见到网上留言同埋好多饮食杂志介绍过呢间餐厅，所以今日专程约咗朋友睇完戏过嚟试一试。特登望过下周围，睇下其他客叫咗乜嘢食，见到唔少人都order咗流心芝士龙虾三文治，应该唔会中伏，所以我都嗌咗嚟试一试。其实依份流心芝士龙虾三文治卖相唔差，只系啲龙虾唔够多，芝士味道都够浓郁嘅，附上嘅沙律酱汁唔太咸，薯条亦都够晒脆口。而我朋友就嗌咗海胆茶渍饭，虽然卖相平平，不过啲海胆胜在够鲜，同茶渍饭毫无违和感，值得推介。整体嚟讲水准不俗，只系价钱贵咗少少。