影片
更多
2021-08-29
1538 浏览
我系买左酒店住一晚连同自助晚餐同早餐package，所以就系呢度讲讲食自助晚餐嘅体验啦。先讲好嘅野先啦，生蚝任拎鹅肝任拎(如有refill) 呢点系正嘅。生蚝几好食，除咸咸海水味外，特别有种几香嘅味道(食开蚝嘅男朋友形容话似广岛蚝嘅味，我唔清楚啦)。仲有蟹拎(不过真系要睇准时机先拎到，refill 速度远远比不上比人拎嘅速度)。有螺仔有青口有冻虾有鱼生呢啲基本啦。我咁啱都撞得正鹅肝出炉，都系有嘅话就任拎。本人好中意鹅肝所以都觉得好好食嘅。好啦唔好嘅野黎啦。好多食物都唔refill，大厨成日失踪导致牛肉冇人切比你片皮鸭冇人片比你 (系一定要入面切比你个种，但企劲耐都冇人谂住过黎切比你)。龙虾主题自助晚餐少不了当然有龙虾啦，但打开发现全部比人拎哂仲要永久冇refill好失望。每人有碗酥皮龙虾汤，但个汤样令人失望，又咸又完全唔系 creamy 嘅质地，完全唔系想像中嘅味道。好多食物尤其热食真系麻麻地，猪颈肉硬到咬唔到。食到半路放大技，真系全部厨师都收埋工。后来到再夜啲，侍应过黎讲到几点就收炉收食物。我地就真系得啖笑，心谂又冇 refill 厨师又收工，都冇野拎啦。总结，性价比抵5抵食自己谂！
先讲好嘅野先啦，生蚝任拎鹅肝任拎(如有refill) 呢点系正嘅。生蚝几好食，除咸咸海水味外，特别有种几香嘅味道(食开蚝嘅男朋友形容话似广岛蚝嘅味，我唔清楚啦)。仲有蟹拎(不过真系要睇准时机先拎到，refill 速度远远比不上比人拎嘅速度)。有螺仔有青口有冻虾有鱼生呢啲基本啦。我咁啱都撞得正鹅肝出炉，都系有嘅话就任拎。本人好中意鹅肝所以都觉得好好食嘅。
好啦唔好嘅野黎啦。好多食物都唔refill，大厨成日失踪导致牛肉冇人切比你片皮鸭冇人片比你 (系一定要入面切比你个种，但企劲耐都冇人谂住过黎切比你)。龙虾主题自助晚餐少不了当然有龙虾啦，但打开发现全部比人拎哂仲要永久冇refill好失望。每人有碗酥皮龙虾汤，但个汤样令人失望，又咸又完全唔系 creamy 嘅质地，完全唔系想像中嘅味道。好多食物尤其热食真系麻麻地，猪颈肉硬到咬唔到。食到半路放大技，真系全部厨师都收埋工。后来到再夜啲，侍应过黎讲到几点就收炉收食物。我地就真系得啖笑，心谂又冇 refill 厨师又收工，都冇野拎啦。
总结，性价比抵5抵食自己谂！
张贴
