Day and Nite by Master Kama (已結業)

由年头等到依家，终于……等到喇……份Bonus终于到手喇！唔知大家系未喺1月已经收到同已经用晒笔钱呢？出咗bonus，就梗系要带A姐食饭庆祝啦，都唔驶两秒，佢就谂到：龙虾餐！系呀，呢期佢好钟意食龙虾，所以今日就去到旺角嘅Day and Nite by Master Kama再encore龙虾餐啦！意式龙虾海鲜薄饼：半边龙虾嘅薄饼上枱已经好吸引喇，加上脆薄嘅批底，2个人share就啱啱好！最钟意系佢嘅龙虾粉量比例好多，又够爽口！另外，仲有好多虾肉、鱿鱼同蚬肉，真系啖啖海鲜架！同埋有好多好多嘅芝士，A姐就至钟意啦。而千岛酱爱好者嘅A姐，就更爱呢个薄饼喇！马粪海胆茶渍饭：呢个套餐包括一碗接近半板嘅海胆饭、一壶茶、渍物同一杯绿茶，卖相已经好有日本feel。加茶之前，先试试个海胆，好鲜甜呀。加入茶汤后，饭味清淡，但反而突出呢种清简之味。龙虾茶碗蒸：A姐最唔钟意食茶碗蒸，因为佢成日都觉得茶碗蒸好腥，除咗呢度！龙虾肉、蟹柳、冬菇等制成，蛋够晒香滑，海鲜味又够晒鲜甜！龙虾浓汤鸡扒石锅汤乌冬：5款浓汤嘅选择，再加8款配料选择，最后拣埋要饭定乌冬，好似车仔面呀。我哋就最钟意佢个龙虾浓汤，浓郁鲜香，真系可以