Hungry Lobster (已結業)

特登上网揾龙虾包，因为本人太钟意食龙虾，我又懒起壳，龙虾包实在系为我而设嘅食物。 因为知道座位好少，之前打电话黎订定，所以唔洗等就有得入座。睇完餐牌，2个人叫左一个龙虾扒餐加多个龙虾包，一人一个，唔洗争。 第一样到系一人一个龙虾包，好多肉，好新鲜，个包外脆内软好正，无得弹，如果再大少少就更加开心。之后系龙虾汤太咸，所以无影，唔值得饮。轮到扒啦！拣左肉眼扒，都有啲肉味，但有啲鞋，无咩特别，得啲盐，无任何汁，好单调。如果肚饿我觉得散叫意粉会化算啲！同埋见到隔离枱嘅意粉好似几吸引。