小叻沙 (已結業)

环境4分：比普通茶记光猛企理，Ｄ枱呀櫈呀都用左好多足球theme，可以畀四分。卫生5分：地方都几干净，枱有筷子，开水自己去自助区拎，值得加分就系食龙虾有名牌Tempo纸巾送，所以畀够佢五分！服务4分：新店嚟讲呢楼面算超多人，个个态度都几好，落单好快就有得食，清洁又够爽手，四分。味道5分：1)      波士顿龙虾叻沙一上枱就见到一只波士顿龙虾分开两边，见到龙虾肉有微微嘅烧过，零舍好味。而果两只钳就已经被刀劈开过，见到裂痕好容易拆开嚟食。佢地另外畀只碟你装龙虾壳，又有刀叉又有包纸巾，果然够细心。碗叻沙份量都唔细，而且汤底够甜又唔算好辣，份量又够足。2)      虾多士尺寸差唔多一只手掌咁大，只虾都算够大，炸到好爽脆，真系唔使半分钟就食晒。3)      食叻沙加二十蚊有两条香口嘅沙嗲，牛肉同鸡肉间最好食都系啲肉最淋嘅鸡肉沙嗲。4)      秋葵有微微烧过，冇太多黐立立嘅感觉，点啲辣酱就更加好食。5)      炸鸡锤又热又脆又软熟。6)      大热天时加杯冻柠茶就最爽。抵食5分：138蚊有成只龙虾你食，仲要加埋靓面底，又唔使加一，绝对超级抵食。