Day and Nite by Master Kama (已結業)

虽然成日都经过山东街呢个位，但从来都唔发现原来呢度有间主打龙虾嘅餐厅。因为餐厅系一楼，地下个入口只有个细牌，所以都系友人推介先知。不过可能最近龙虾大热，所以唔book位walk-in应该都有排等。餐厅装修以简约为主，以蓝白做主色，墙身仲有d龙虾图案，不过目测座位唔多。因为见到Menu写龙虾包（188蚊／客）系限量供应，所以黎到第一件事就系点左两客龙虾包先。龙虾认真足料，而且够新鲜。不过我就特别欣赏佢有埋蕃薯条，而且成个display好吸引！不过同龙虾包比较，呢个意式龙虾海鲜薄饼就差左少少，龙虾成分好似少左d咁。饮品方面就叫左杯Cookie & Mint 同 Strawberry & Rose Tea，前者个人认为影相靓，但就有点太甜，后者比较清爽，而且味道唔会假。