炑八韓烤 (已結業)

睇完《太阳的后裔》，戚起条筋好想食韩烧，所以就去炑八试下呢个龙虾尾套餐($620，2-3人用)。套餐既presentation好靓，用tea set层架将唔同既肉食放好。单系烧烤食物已经劲丰富：龙虾尾、大虾、多春鱼、八爪鱼、厚切五花腩、牛肋肉、牛仔骨、芝士生蚝，另外仲要加个大大个既炸酱面，两个人食随时会饱到反艇。既然主打系龙虾尾，就先食佢啦！一条尾切出黎都有五至六块肉，分量唔差，龙虾肉爽口弹牙，抵食。之后到五花腩，好厚身，烧完之后肥肉保持爽口，一层肉一层脂肪，夹埋可以无限添加既生菜食，无得输！烧原只八爪鱼之前，店员教我地要用生菜垫底黎烧，无咁易㶶。八爪鱼用韩式辣酱腌过，够香辣刺激，八爪鱼好弹牙，不过分量颇多，食唔晒浪费左少少添！芝士生蚝共有四只，全部用锡纸碗装好，烧既时候只要成兜放上去就得。生蚝几肥美，烧熟后仍然胀卜卜，夹埋咸咸地既芝士汁食，唔错。大虾同样有四只，烧时可以加少少盐去调味，令鲜味更突出。食牛仔骨最怕韧，但呢度既牛仔骨就完全无呢个问题。肉质够软，调味带甜，好好食，系龙虾以外既推介。多春鱼本身系我既飞佛，所以唔驶讲，好食！唔好忘记既，系炉边既泡菜蛋同芝士粟米，前者够滑，后者带