The Point Kitchen (奧海城二期) (已結業)

热烈庆祝阿仔考试大跃进，同去年相比，名字晋升了10名，真系要去食餐好嘢庆祝吓。所以就拣咗去奥海城新开嘅餐厅The point kitchen 食龙虾晚餐。呢度嘅龙虾晚餐指明系用原只新鲜嘅波士顿龙虾，非一般雪藏急冻野。识食嘅人一食就知分别，鲜味确系唔同。佢个沙律超级好味，用了比较复杂，一层一层唔同嘅味道，口感丰富。龙虾汤都香气浓郁，跟餐嘅青苹果梳打清新怡人。主角出场——龙虾海鲜意粉，呢间餐厅主打手工意粉，食落弹牙好烟韧。最正系只新鲜波士顿龙虾，啲龙虾肉系好爽口鲜甜。而且都好大只，啖啖肉，呢个价钱真系好抵。我哋加钱以优惠价＄98，加配一个龙虾带子pizza，觉得佢个面团相当唔错，非常饱足。