Day and Nite by Master Kama (已結業)

龙虾汇呢个set就好似食咗龙虾一家人咁，一虾 有三种食法，包括有烤蒜蓉牛油龙虾、龙虾饱同埋龙虾什锦海鲜石窝汤乌冬。一上枱视觉上最震撼，份量算多，沙律新鲜，丰富大份。第一食首先有我最爱嘅龙虾饱😋😋龙虾肉弹牙多到满泻，酱汁亦成功令鲜味提升，面包烤得微脆带有少少甜味，食到上瘾同男朋友争住食😂第二食就有烤蒜蓉牛油龙虾，配菜仲有薯条、蕃薯条、沙律菜跟埋🥗 龙虾依然鲜味弹牙且爽口，每一啖龙虾肉嘅鲜美都令人越食越停唔到口，如果可以大只d就好喇 (贪心仔😻)最后一食就轮到龙虾什锦海鲜石窝汤乌冬喇🍲用料非常丰富，虽然得个龙虾头，但汤底应该落足料煲，所以同高级餐厅饮到嘅没两样。个乌冬仲有木耳丝、青口、蚬肉等等杂锦海鲜， 上台热辣辣，见到都已经令人食指大动🥰饮品方面亦都有惊喜，尤其我点𠮶杯茶，淡淡嘅蝶豆花茶味，加入青苹果粒同柠檬汁，酸甜配搭岀奇地夹，有解腻抒压嘅帮助🥰整体黎讲价钱睇落有d贵，但观乎环境、食物质素等黎计，其实都算几值得再黎食，成set拼好晒晤洗我烦食d乜，两个人一个龙虾餐啱啱好！我Like呀👍🏻👍🏻👍🏻