Red Lobster (Fashion Walk) (已結業)

三位食lunch。每人叫个lunch set再加一份龙虾沙律同炸鱿鱼圈。lunch set拣咗大虾意粉配龙虾汁，蘑菇松露芝士pizza，同埋牛扒丼饭。我加$20转龙虾汤。龙虾汤麻麻地，唔系好鲜味。唔建议加钱嗌。龙虾沙律正常发挥，上枱靓，龙虾美味，菜系西生菜。炸鱿鱼圈卖相好好，不过d鱿鱼完全无味，唔点汁真系食唔到。我个大虾意粉味道几好，不过d汁几稀吓，西餐厅嘅意粉煮成咁我觉得有d怪。反而个牛扒丼饭就咩汁都无，我朋友猛咁加盐同黑胡椒。块牛排系好食嘅，很稔，朋友嫌唔够牛味，我觉得唔错啊。系个饭无咩调味好奇怪。同埋个饭系米饭加黎麦，朋友食唔惯黎麦口感，食几啖就唔得lu。松露芝士pizza都系普普通通。系薄个只pizza，个边焗到超硬。总括嚟评论，餐厅环境舒适，服务也不错，d食物就麻麻地。每个食物都有d 明显嘅调味 或者口感上嘅不足。 虽然lunch价位唔贵，但系个lunch咁样，如果翻转头食dinner 似乎都系龙虾同牛扒稳阵。