美心烘焙所 (安康商業大廈)

营业中

休息中

湾仔呢间美心Maxim's Cake Lab，同其他美心有啲唔同，蛋糕靓啲，面包款式特别啲，价钱当然贵啲啦。呢件「龙虾汤批」就净系呢间美心先有。虽则本人对酥皮无好感，好怕啲皮整得唔好食，又干争争又硬掘掘，但网上讲到咁特别，饿底 唯有硬着头皮出动啦！拎到番屋企都冻晒，店员话，可以以180C焗3分钟先食，个皮会脆啲。第一啖，食到佢嘅酥皮，啊，个面系甜甜地架！第二啖，食到佢里面汤嘅位置，当唔系小龙包𠮶啲汤咁液体啦，但系佢又杰又脓，仲好有龙虾味！第三啖，啊，仲有龙虾肉架！跟住当然系一啖接一啖啦～ 比起一件$28蚊嘅美心西饼蛋糕，呢件龙虾汤批$30，我觉得物有所值。