肉餅哥小炒料理 (已結業)

我绝对系比肉饼哥呢个招牌龙虾肉饼吸引左过去食～呢度嘅肉饼全部都可以拣蒸/煎，白饭/粥/米粉，加$2仲有油饭同菜饭拣。 最后拣左煎龙虾肉饼配白饭，上菜时好吸睛～肉饼系用龙虾身混合左猪肉再煎，肉饼煎得金黄有咬口，肥猪肉唔算多，啖啖肉。拣白饭都系明智嘅，因为原来会酿落龙虾头再蒸嘅，两个钳仲有肉可以拆黎食（会有工具）～个人认为如果龙虾肉唔拆得咁碎会更好～个窝仔好似细细个咁，但其实都几深！起码有碗半饭，最后系比我KO晒嘅！第一次觉得原来肉饼都可以咁好食！唔怪得要排队啦～P.S.隔离个伯伯拣好立克肉饼，佢话好好味！强！