影片
更多
2015-09-07
2114 浏览
第二次帮衬，今次食贵啲，介绍返，呢个系［龙虾燕窝海鲜餐］。见今日老豆牛一，我早一个月打去book位啦，一家4口嚟食好野！生拆蟹肉扒金山勾翅 － 带细细排翅，都有口感，呢个价钱嚟讲都满满意，但味道略淡，建议自行加醋吊味。芝士龙虾伊面底 － 个芝士味道100分！！！！全家都赞口不绝，龙虾又大只，又鲜甜，又实肉，啖啖肉之余仲系大大旧肉！！！天下第一鸡－ 脆皮同芝麻都系我至爱，我食咗好多旧⋯⋯今晚变成食肉兽！金银蒜粉丝蒸元贝 － 又系大大只，一人一只唔洗争，出面食果啲好兴放好多粉丝上面扮有料，呢度道真材实料，睇下下面张图：拎开粉丝仲有咁大粒元贝，好鲜甜，最紧要够林，老豆啲牙唔好都食到㖞！原只鲍鱼扣山珍海味－ 四个人又系一人一只鲍鱼，人人有份！仲有惹味花胶，海参，只系普通货色，唔好咁大期望清蒸海星斑－肉质幼滑，鲜味十足，斑系贵价鱼，用来清蒸唔洗咁多花巧野。仲有，厨师落左莞茜，特别好味！招牌三式虾－炸虾最正，连壳食都得！飘香炒饭－er⋯⋯呢个好hea，又无镬气，专心食送啦各位瑶柱扒西兰花－点解呢？点解个西兰花可以排得咁靓，同埋好好食，无怪味⋯⋯平时出面食D西兰花明明又硬又怪，呢个反而又靓又好味！杏
见今日老豆牛一，我早一个月打去book位啦，一家4口嚟食好野！
龙虾燕窝海鲜餐
$370
67 浏览
0 赞好
0 留言
生拆蟹肉扒金山勾翅 － 带细细排翅，都有口感，呢个价钱嚟讲都满满意，但味道略淡，建议自行加醋吊味。
芝士龙虾伊面底 － 个芝士味道100分！！！！全家都赞口不绝，龙虾又大只，又鲜甜，又实肉，啖啖肉之余仲系大大旧肉！！！
天下第一鸡－ 脆皮同芝麻都系我至爱，我食咗好多旧⋯⋯今晚变成食肉兽！
金银蒜粉丝蒸元贝 － 又系大大只，一人一只唔洗争，出面食果啲好兴放好多粉丝上面扮有料，呢度道真材实料，睇下下面张图：
拎开粉丝仲有咁大粒元贝，好鲜甜，最紧要够林，老豆啲牙唔好都食到㖞！
原只鲍鱼扣山珍海味－ 四个人又系一人一只鲍鱼，人人有份！仲有惹味花胶，海参，只系普通货色，唔好咁大期望
清蒸海星斑－肉质幼滑，鲜味十足，斑系贵价鱼，用来清蒸唔洗咁多花巧野。仲有，厨师落左莞茜，特别好味！
招牌三式虾－炸虾最正，连壳食都得！
飘香炒饭－er⋯⋯呢个好hea，又无镬气，专心食送啦各位
瑶柱扒西兰花－点解呢？点解个西兰花可以排得咁靓，同埋好好食，无怪味⋯⋯平时出面食D西兰花明明又硬又怪，呢个反而又靓又好味！
杏仁燕窝 － 杏仁味好浓，未食呢个前已经有十成饱，不过见咁香，食食食，又食哂⋯⋯只系⋯⋯燕窝呢？唔觉有，有D好细粒嘅疑饮燕窝，都系果句，370per head唔好咁高要求
题外话/补充资料：
我对环境无咩要求，唯一要改善系空气唔流通呢个问题，我一家4口坐角落位，好焗呀⋯⋯
(以上食记乃用户个人意见 , 并不代表OpenRice之观点。)
张贴
